ക്രിസ്ത്യൻ വിശുദ്ധന്മാരുടെ ചിത്രത്തോടൊപ്പം ഹിന്ദു ദൈവങ്ങളും ഉൾപ്പെടുത്തി മതപരമായ വിശ്വാസത്തെ കളങ്കപ്പെടുത്തിയ എതിർകക്ഷി 78,000/-രൂപ നഷ്ടപരിഹാരം നൽകണമെന്ന് എറണാകുളം ജില്ല ഉപഭോക്തൃ കോടതി .
പാലാരിവട്ടം സ്വദേശികളായ ആൻറണി ഫിൻറ്റോൾ ഉൾപ്പെടെ നാലുപേർ സമർപ്പിച്ച പരാതിയിലാണ് കോടതിയുടെ നിർദ്ദേശം. കോയമ്പത്തൂരിലെ കെ.ജി ഇമേജിക എന്ന സ്ഥാപനത്തിന് എതിരെയാണ് പരാതി സമർപ്പിച്ചത്. 2022 ഡിസംബറിൽ പാലാരിവട്ടത്തെ സെൻറ് ജോൺ ബാപ്റ്റിസ്റ്റ് പള്ളിയിലെ പെരുന്നാളിനോട് അനുബന്ധിച്ച് ക്രിസ്ത്യൻ വിശുദ്ധന്മാരുടെ ഫോട്ടോ ഫ്രെയിം ചെയ്ത് എല്ലാവർക്കും നൽകാൻ പരാതിക്കാർ തീരുമാനിച്ചു. ഫോട്ടോ തയ്യാറാക്കുന്നതിനായി എതിർകക്ഷി സ്ഥാപനത്തെ സമീപിക്കുകയും ചെയ്തു.53750 രൂപ പരാതിക്കാർ തന്നെയാണ് ചെലവഴിച്ചത്.2150 എണ്ണം ഫോട്ടോ ഫ്രെയിം ചെയ്യാൻ ആയി കരാർ ഒപ്പുവാക്കുകയും ചെയ്തു ലഭിച്ച ഫോട്ടോ വിശ്വാസികൾക്ക് നൽകുകയും അവരവരുടെ വീടുകളിലെ വിശുദ്ധമായ ഒന്നായി അത് പരിഗണിക്കുകയും ചെയ്തു. എന്നാൽ പിന്നീടാണ് വിശ്വാസികൾ ഫോട്ടോകളുടെ എല്ലാം പിന്നിൽ ഹിന്ദു ദൈവങ്ങളുടെ ചിത്രമാണ് ഉള്ളതെന്ന് മനസിലാക്കുന്നത്. വിശ്വാസികൾ പരാതി ഉയർത്തുകയും പരാതിക്കാരെ ഇതിന്റെ പേരിൽ കുറ്റപ്പെടുത്തുകയും ചെയ്തു.പരാതിക്കാർ എതിർകക്ഷികളെ സമീപിച്ച പ്രശ്നം പരിഹരിക്കാൻ ശ്രമിച്ചുവെങ്കിലും അവർ അത് പരിഹരിക്കാൻ തയ്യാറാകാത്ത സാഹചര്യത്തിലാണ് കോടതിയെ സമീപിച്ചത്.
ക്രിസ്ത്യൻ വിശുദ്ധന്മാരുടെ ചിത്രത്തോടൊപ്പം ഹിന്ദു ദൈവങ്ങളും വന്നത് മതപരമായ വിശ്വാസത്തെ കളങ്കപ്പെടുത്തി എന്നാണ് പരാതി. എതിർകക്ഷികളുടെ അധാർമികമായ വ്യാപാര രീതി മൂലം പരാതിക്കാർക്ക് ബുദ്ധിമുട്ടുകളും ധനനഷ്ടവും ഉണ്ടായി എന്ന് ഡി ബി ബിനു പ്രസിഡണ്ടും, വി രാമചന്ദ്രൻ, ടി എൻ ശ്രീവിദ്യ എന്നിവരടങ്ങിയ ബെഞ്ച് വിലയിരുത്തി. ഈ സാഹചര്യത്തിൽഫോട്ടോ തയ്യാറാക്കുന്നതിന് വേണ്ടി ചെലവഴി 53750 രൂപയും ഇരുപതിനായിരം രൂപ നഷ്ടപരിഹാരം 5000 രൂപ കോടതി ചെലവ് എന്നിവ 45 ദിവസത്തിനകം എതിർകക്ഷി പരാതിക്കാർക്കും നൽകണമെന്ന് കോടതി ഉത്തരവ് നൽകി.
പരാതിക്കാർക്ക് വേണ്ടി അഡ്വ. ടോം ജോസഫ് ഹാജരായി.
