ആറ് ഇസ്രയേലി ബന്ദികളെ കൂടി കൈമാറി ഹമാസ്. മോചിപ്പിക്കുന്ന ബന്ദികളുടെ പട്ടിക കഴിഞ്ഞ ദിവസം ഹമാസ് പുറത്തുവിട്ടിരുന്നു. ഇവരില്‍ നാല് പേര്‍ 2023 ഒക്ടോബര്‍ 7ന് നടന്ന ഇസ്രയേല്‍ ആക്രമണത്തിനിടെ ഹമാസ് ബന്ദികളാക്കിയവരാണ്. ഏകേദശം പത്ത് വര്‍ഷങ്ങള്‍ക്ക് മുമ്പ് വിവിധ സമയങ്ങളില്‍ ഗാസയിലേക്ക് കടക്കുകയും, ഹമാസിന്റെ പിടിയിലായവരുമാണ് മറ്റ് രണ്ട് പേര്‍.
എലിയ കോഹെൻ (27) താൽ ഷോഹം (40) ഒമെർ ഷെം ടോവ്‌ (22), ഒമെർ വെൻകെർട്ട്‌ (23), ഹിഷാം അൽ സയ്യെദ്‌ (36), അവെര മെങ്കിസ്തു (39) എന്നിവരെയാണ് ഹമാസ് മോചിപ്പിക്കുന്നത്. വെടിനിർത്തൽ കരാറിന്റെ ഭാഗമായി മോചിപ്പിക്കപ്പെടേണ്ട 33 പേരടങ്ങുന്ന സംഘത്തിലെ അവസാനത്തെ ആറ് പേരെയാണ് വിട്ടയക്കുന്നത്.പകരം 602 പലസ്തീൻ തടവുകാരെ ഇസ്രയേലും മോചിപ്പിക്കും .
