ദുബായ്: ഏകദിന ക്രിക്കറ്റില്‍ വീണ്ടും റെക്കോഡ് കുറിച്ച് ഇന്ത്യയുടെ വിരാട് കോലി. ഏകദിനത്തില്‍ അതിവേഗം 14000 റണ്‍സ് തികയ്ക്കുന്ന താരമെന്ന നേട്ടമാണ് കോലി സ്വന്തമാക്കിയത്. പാകിസ്താനെതിരായ ചാമ്പ്യന്‍സ് ട്രോഫി മത്സരത്തില്‍ 15 റണ്‍സ് നേടിയതോടെയാണ് കോലി വീണ്ടും റെക്കോഡ് ബുക്കില്‍ ഇടം നേടിയത്.
ഏകദിനക്രിക്കറ്റില്‍ 14000 റണ്‍സ് നേടുന്ന മൂന്നാമത്തെ താരമാണ് കോലി. സച്ചിന്‍ തെണ്ടുല്‍ക്കറും മുന്‍ ശ്രീലങ്കന്‍ താരം കുമാര്‍ സംഗക്കാരയുമാണ് നേരത്തേ ഏകദിനത്തിൽ 14,000 റണ്‍സ് തികച്ചവർ.
ഈ നേട്ടത്തിൽ സച്ചിനെയും കോലി മറികടന്നു. 287 ഇന്നിങ്‌സില്‍ നിന്നാണ് കോലി 14,000 ക്ലബ്ബിലെത്തിയത്. സച്ചിന്‍ 350 ഇന്നിങ്‌സുകളും സങ്കക്കാര 478 ഇന്നിങ്‌സുകളില്‍ നിന്നുമാണ് 14000 റണ്‍സെടുത്തത്.
